Italııada álemdik rekordqa úmitker taǵy bir uzaq ómir súrgen otbasy paıda boldy
ASTANA. 27 tamyz. QazAqparat - Sardınııadaǵy Melıster otbasyndaǵy aǵaıyndy 9 adamnyń jalpy jasy 818 jyldy qurap, álemdegi eń uzaq ómir súrgen otbasy retinde Gınnesstiń rekordtar ktabyna engizilgennen keıin taǵy bir ıtalıandyq otbasy bul rekordty daýlaýdy uıǵardy, dep habarlady Bı-Bı-Sı.
Áńgime Chezıomadjore qalashyǵyndaǵy (Bellýno provıntsııasy, Veneto aımaǵy) Perentsınder otbasy týraly bolyp otyr.
Osy otbasynyń 24 nemeresiniń biri Antonıo Sardınııalyq uzaq ómir súrgen otbasynyń rekordyn estigennen keıin qolyna kalkýlıator alyp, óziniń 10 ájesi men atasynyń jalpy alǵanda 846 jyl ómir súrip otyrǵanyn eseptep shyǵardy. Sardtyq otbasynyń uzaq ómir súrgen músheleriniń orta jasy (90,8 jyl) Perentsın otbasy (84,5 jyl) ókilderinen kóbirek bolǵanmen, Venetolyq on aǵaıyndylardyń jalpy ómir súrý uzaqtyǵy sardınııalyq toǵyz aǵaıyndylardan asyp túsedi.
Perentsın otbasyndaǵy eń egde kempir Melındeniń jasy - 100-de, eń kishi Vıttorııa - 72 jasta, al olardyń arasynda Rıkardo (92 jas), Marııa (90), Ester (88), Ilarıo (86), Novella (84), Irene (80), Irma (78) jáne Renata (76) bar. Aǵaıyndy 10 er jáne áıel adamdardyń bári de aman-saý ómir súrip jatyr.
