Italııada álemdegi eń tereń basseın ashyldy
ASTANA. QazAqparat - Venetsııadan 45 shaqyrym jerde 4 juldyzdy SPA-qonaqúıinde álemdegi eń tereń basseın ashyldy, dep habarlady 24.KZ.
Onyń tereńdigi - 40 metr, eni - 20 metr. Sýdyń temperatýrasy turaqty 32-34 gradýs deńgeıin saqtaıdy.
Jańadan júzip úırenýshilerge 3, 10 jáne 15 metr tereńdiktegi 3 alań bar. Odan ári qaraı júzýge tájirıbeli júzgishterge ǵana ruqsat etiledi.
Eń tereń jerde rezervýar 5 metr qubyr mólsherine deıin tarylady. Sondaı-aq munda sý astynan kórgisi keletinderge, sekirýden qoryqpaıtyndarǵa arnalǵan shyny týnnel bar. Ol basseınniń týra ortasynan ótedi. Júzip bolǵannan keıin kelýshilerdiń qonaqúı shatyryndaǵy arnaıy oryndyqtarda dem alýlaryna bolady.
