Italııada 61 dáriger koronavırýstan qaıtys bolǵan
RIM. ANSA. QazAqparat – Italııada COVID-19 koronavırýsyna shaldyǵyp qaıtys bolǵan dárigerlerdiń sany 61 adamǵa jetti, bul rette 11 adam eki kúnniń ishinde kóz jumdy. Bul týraly ANSA agenttigine silteme jasap QazAqparat habarlaıdy.
FNOMCEO Ulttyq dárigerler gıldııasy federatsııasy ólimge aparǵan sońǵy oqıǵalardyń qaıda bolǵanyn habarlaǵan joq. Bul oqıǵalar koronavırýstan eń kóp zardap shekken Lombardııada bolýy múmkin.
Sońǵy málimet boıynsha, Italııada koronavırýs indetinen 10 779 adam qaıtys bolǵan.
29 naýryzdaǵy jaǵdaı boıynsha, álem boıynsha koronavırýsqa shaldyqqan adamdardyń sany 704 myńnan asqan, dep habarlaıdy AQSh-taǵy Djon Hopkıns ýnıverstıteti.
Ótken jyldyń jeltoqsan aıynda Ýhan qalasynda paıda bolǵan COVID-19 ataýymen belgili koronavırýs kem degende 177 el men aımaqta taralyp, 35 myńnan astam adamnyń ómirin qıyp áketti.
