Italııada 6,1 baldyq jer silkinisi boldy
ASTANA. KAZINFORM – 2 maýsym kúni Italııanyń ońtústigindegi Kalabrııa jaǵalaýynda magnıtýdasy 6,1 bolatyn jer silkinisi tirkeldi. Bul týraly Sınhýa agenttigi Italııanyń Ulttyq geofızıka jáne výlkanologııa ınstıtýtyna silteme jasap habarlady.
Instıtýt málimetinshe, jerasty dúmpýi jergilikti ýaqyt boıynsha saǵat 00:12-de (Grınvıch ýaqytymen dúısenbi kúni 22:12-de) bolǵan. Jer silkinisiniń oshaǵy shamamen 250 shaqyrym tereńdikte ornalasqan.
Jergilikti buqaralyq aqparat quraldarynyń habarlaýynsha, dúmpýler Italııanyń ońtústiginde, atap aıtqanda Kalabrııa, Sıtsılııa, Kampanııa jáne Apýlııa aımaqtarynda sezilgen.
Zardap shekkender men qıraǵan nysandar týraly aqparat túsken joq.
Eske sala keteıik, buǵan deıin Chılıde magnıtýdasy 6,7 bolatyn jer silkinisi tirkelgenin habarlaǵan edik.
Darııa Ǵumar
