Italııada 40 jyl buryn urlanǵan kartınalar tabyldy
ASTANA. 11 naýryz. QazAqparat - Italııanyń polıtsııa qyzmetkerleri Rım qalasynda 1971 jyldyń kúzinde bolǵan atyshýly urlyqtyń betin ashty.
Qarabınder Italııanyń astanasynan 7,5 mln. eýro turatyn tól týyndynyń 37 kórkemsýretin tapty, dep habarlaıdy RBK.
Grek-ıspandyq El Greko, flamandyqAntonıs Van Deık jáne Pıter Paýlıý Rýbens sııaqty klassıkalyq kórkemsýret sheberleriniń týyndylary 50 jastaǵy jergilikti áıeldiń úıinen tabylǵan. Aıta keteıik 50 jastaǵy áıel 4 sýretti aýktsıonǵa qoıǵannan keıin ǵana, jyldar boıy iz-túzsiz joǵalǵan kórkemsýret týyndylary tabyldy. Áıel tekserý barysynda bul sýretterdi 20 jyl buryn satyp alǵandyǵyn málimdedi.
Kórkemsýretke qumar áıeldiń úıin tintý kezinde (Rım qalasynda) urlanǵan 11 sýret, keıin astanadan shalǵaı jerde ornalasqan úıinen 26 sýret tabyldy. Endigide áıel urlanǵan baǵaly zattardy saqtaǵany úshin aıyptalyp otyr.
Aıta keteıik, atyshýly urlyq oqıǵasy 1971 jyly bolǵan edi. Sol kezde urylar áleýetti Parıolı aýdanynda turatyn qurylys magnatynyń úıine túsip, 42 sýretti qoldy etken bolatyn. Degenmen kóp uzamaı dálelderdiń jetispeýshiligine baılanysty is jabylǵan edi.
