Italııa jańa úkimetiniń ant qabyldaýy kezinde atylǵan oq rásimniń sıqyn buzdy
RIM. 29 sáýir. QazAqparat - Italııanyń jańa Úkimetiniń ant qabyldaý rásimin jumyssyz ıtalıandyq Lýıdjı Preıtı buzdy.
Ol Úkimet basshysy Enrıko Letto bastaǵan mınıstrler kabınetiniń resmı túrde laýazymdaryna kirisýi kezinde úkimettik Kıdjı Saraıynyń mańynda eki qaraýyldy jaraqattady.
Atys prezıdent Djordjo Napolıtanonyń qatysýymen jańa úkimettiń ant berý rásimi ótip jatqan Kvırınal saraıynan birneshe júzdegen metr jerde, Rımniń qaq ortasynda boldy. Italıandyq BAQ-tyń málimetinshe, jaqsy kıingen, ústinde kostıými men galstýgy bar er adam Kıdjı Saraıy aldyndaǵy alańda kezekshilikterin atqaryp jatqan qaraýylǵa esh kedergisiz jaqyndap, olarǵa oq jaýdyra bastaǵan. Ol karabınerlerge 6 ret oq atty, keıin izin sýytýǵa tyrysqan, biraq qolǵa tústi. Oqıǵa saldarynan qos tártip saqshysy jaralandy, olardyń biriniń jaǵdaıy aýyr. Oqıǵa kezinde alańda bolǵan júkti áıel de azdaǵan jaraqat aldy.
28 sáýir kúni Italııa Úkimetiniń jańa basshysy Enrıko Letta jáne onyń kabınetiniń 21 mınıstri el prezıdenti Dj. Napolıtanonyń qatysýymen ant qabyldady.
