Italııa jaǵalaýynda zańsyz mıgranttar kúrt kóbeıdi

BRıÝSSELЬ. QazAqparat – Sársenbi kúni Italııanyń jaǵalaý kúzeti apta bastalǵaly Ion teńizinde apatqa ushyraǵan qaıyqtardaǵy myńdaǵan mıgrant pen bosqyndy aman alyp qalǵanyn málimdedi, dep habarlaıdy QazAqparat tilshisi.

Jergilikti BAQ aqparaty boıynsha, kún raıy jaqsarǵannan keıin Italııanyń teńizdegi shekarasyn zańsyz kesip ótýge tyrysqan mıgranttar kóbeıgen.

Seısenbi keshke Italııanyń jaǵalaý kúzeti men qarjy polıtsııasynyń qaıyqtary balyq aýlaýǵa arnalǵan shaǵyn keme bortyndaǵy 130-ǵa jýyq Pákistan azamatyn qutqardy.

Olar Kalabrııa provıntsııasyndaǵy Krotone qalasynan 117 teńiz mıline teń qashyqtyqta apatqa ushyraǵan.

Aqparat boıynsha, mıgranttar Lıvııadan shyqqan.

Bul jaǵdaı jaǵalaý kúzetiniń patrýldik kateri seısenbi kúni Irak, Iran men Aýǵanstannan shyǵyp, Krotone jaǵalaýynda apatqa ushyraǵan 46 adamdy qutqarǵannan keıin bolyp otyr.

Onyń ishinde eki bala bolǵan, olarǵa shuǵyl medıtsınalyq kómek qajet boldy. Qazirgi ýaqytta eki top ta Krotone qalasyna túsirildi.

Buǵan deıin dúısenbi keshke Italııa jaǵalaý kúzetiniń eki patrýl kateri Frontex kemesiniń (eýropalyq agenttik) kómegimen balyq aýlaýǵa arnalǵan kemeden 590-ǵa jýyq adamdy aman alyp qaldy.

Qutqarylǵan adamdar jaǵalaý kúzetiniń Diciotti kemesine aýystyrylyp, ary qaraı Frontex áskerı-teńiz bólimshesiniń qoldaýymen osy aýdanda qalǵan, balyq aýlaýǵa arnalǵan basqa kemedegi 650 adamdy qutqarýǵa attandy.

Keshe, sársenbi kúni Sıtsılııanyń Messına portyna 200 adam, Redjo-dı-Kalabrııaǵa 500 adam túsirildi.