Italııa turǵyndarynyń 50 paıyzynan astamy koronavırýsqa qarsy vaktsına aldy

NUR-SULTAN. QazAqparat – Italııada COVID-19 vaktsınatsııasynyń qarqyny artyp keledi. Bul týraly QazAqparat QR Úkimeti janyndaǵy Qazaqstanda koronavırýstyń taralýyna jol bermeý jónindegi VAK telegram kanalyny silteme jasap habarlaıdy.

Italııada COVID-19 vaktsınatsııasynyń qarqyny artyp keledi. Qazirdiń ózinde koronavırýstyq ınfektsııaǵa qarsy ımmýndaýǵa jatatyn el halqynyń jartysynan kóbi egildi.

20 shildedegi málimetterge sáıkes, eldiń 27 mıllıonnan astam turǵyny nemese 12 jastan asqan halyqtyń 50,2%-y COVID-19 vaktsınasynyń eki dozasyn aldy, dep habarlady Italııanyń Densaýlyq saqtaý mınıstrligi.

Vaktsınatsııa naýqany kezinde koronavırýsqa qarsy maquldanǵan tórt vaktsınanyń 61,5 mıllıon dozasy qoldanyldy. Vaktsınatsııamen eń kóp qamtylǵan halyq toby-50-den 59 jasqa deıingi adamdar. Odan keıin 60-69 jas, 70-79 jas jáne 40-49 jas aralyǵyndaǵy toptar.