Italııa turǵyndaryna taza aýada da maska taǵý mindetteldi
LION. EURONEWS – QazAqparat – Italııa bıligi koronavırýstyń ekinshi tolqynyn boldyrmaýǵa tyrysýda.
Apennınyda 24 saǵat ishinde 4458 adamnan ınfektsııa anyqtaldy, bul bir kún burynǵymen salystyrǵanda myń adamǵa artyq. Bul sonymen qatar sáýir aıynyń basynan bergi kún saıyn anyqtalatyn koronavırýs juqtyrý jaǵdaılarynyń eń kóp ósimi, dep habarlaıdy QazAqparat Euronews -ke silteme jasap.
Epıdemııalyq jaǵdaıdyń ýshyǵýyna baılanysty el úkimeti azamattardy memlekettiń barlyq aýmaǵynda, tipti, ashyq aýada da maska taǵýǵa mindettedi. Jalǵyz nemese jaqyn adamdarmen birge bolǵanda, 6 jasqa deıingi balalarǵa, sozylmaly aýrýlary bar adamdarǵa, sondaı-aq taza aýada sportpen aınalysýshylarǵa ǵana maska taqpaýǵa ruqsat etiledi.
Maskalyq rejımdi buzǵany úshin 400-den 1 000 eýro deıin aıyppul salýý qarastyrylǵan. Sondaı-aq bılik ónerkásiptik jáne ekonomıkalyq jańa shekteýlerge jol bermeýge tyrysýda. Degenmen jergilikti jaǵdaıǵa baılanysty «qyzyl aımaqtar» engizilýi múmkin. Buǵan deıin úkimet TJ rejımin 2021 jylǵy 31 qańtarǵa deıin uzartqan bolatyn.
