Italııa taǵy bir jer silkinisin basynan keshirdi
ASTANA. QazAqparat - Sársenbi kúni Italııanyń ortalyq bóliginde kúshi 4,1 balldyq jer silkinisi tirkeldi. Bul týraly Rosbalt AQSh geologııalyq qyzmetine silteme jasap habarlady.
Jerasty dúmpýiniń kindigi Ýmbrııa oblysyndaǵy Norcha qalasynan soltústik-shyǵysqa qaraı shamamen 7 shaqyrym jerde ornalasqan. Zilzala oshaǵynyń tereńdigi - 6,6 shaqyrym.
Qaza bolǵandar men zardap shekkender týraly málimet túsken joq.
Ótken aptada eldiń osy bóliginde joıqyn jer silkinisi bolyp, birneshe qalalardy eleýli búlinshilikke ushyratty. Budan keıin kúshi ártúrli 3 myńnan astam dúmpýler boldy. 292 adam qazaǵa ushyrap, 400-den astamy zardap shekti. 2,5 myńnan astam adam úı-jaıynan aıyryldy. Búlinshilikten kelgen shyǵyndar aldyn ala 1 mlrd. eýroǵa baǵalanýda.
