Italııa sý basqan Venetsııaǵa járdemdesý úshin jylý jınap jatyr
RIM. TASS-QazAqparat – Italııa bıligi sý tasqynynan zardap shekken Venetsııanyń «jalpyadamzattyq murasyn» qalpyna keltirýge kómektesýge shaqyryp jatyr, dep habarlaıdy «QazAqparat» HAA TASS agenttigine silteme jasap.
Qala basshylyǵy qarjylaı kómek berem deýshilerge arnap shot ashqan. Budan tys, qalaǵan adam sms jiberý arqyly 2 eýro bólýine bolady. Italııa Mádenıet mınıstrliginiń bastamasymen qaıyrymdylyq aktsııasyna barlyq baılanys operatory qosylǵan.
Jekelegen uıymdar eriktilerdi qaladaǵy belgili bir mýzeıge, kitaphanaǵa, mektepke, shirkeýge kómektesýge shaqyryp jatyr. Mysaly, «La Skala» teatry osy demalys kúnderi bolatyn spektaklderiniń bıletinen túsken qarajatty túgeldeı Venetsııanyń «La Fenıche» teatryna jibermek.
Eske sala keteıik, tarıhı qala Venetsııany sý basyp, tótenshe jaǵdaı engizilgen bolatyn. Tabıǵı apat saldarynan kelgen zalaldyń mólsheri 1 mıllıard eýroǵa deıin jetýi múmkin.
