Italııa soty uıaly telefondar qaterli isiktiń paıda bolýyna sebepker bolýy múmkin degen sheshim shyǵardy
ASTANA. 20 qazan. QazAqparat - Apennın túbeginiń soty uıaly telefondardyń zııany jónindegi daýǵa núkte qoıdy, dep habarlaıdy segodnya.ua portaly.
Italııanyń Joǵarǵy soty symsyz jáne uıaly telefondardy uzaq paıdalaný men adam basynda paıda bolatyn qaterli isik aýrýynyń arasynda baılanys bar degen sheshim shyǵardy. «Qyzmet barysynda» qaterli isikke shaldyqtym dep sotqa shaǵymdanǵan ıtalıandyq menedjerdiń isin qaraǵan sýdıa osyndaı túıinge kelip otyr.
Innochete Markolını esimdi 60 jastaǵy burynǵy qarjy dırektor y qaterli isikke jumysynyń kesirinen shaldyqqanyn sotta dáleldep, Ulttyq qyzmet barysyndaǵy oqys oqıǵalardan saqtandyrý júıesine qarsy iste jeńip shyqty.
Markolınıdiń jeńisin moıyndaǵan sot sheshimin Corriere della Sera gazeti tarıhı oqıǵa dep baǵalaıdy, sebebi onda «uıaly telefondy durys paıdalanbaýdyń qaýipti ekeni aıǵa tańba basqandaı kórsetiledi».
Markolınıdiń aıtýynsha, uıaly telefondy qulaqqa jaqyn ustamaý qajet, sóılesken kezde qulaqqap nemese qatty dybysty paıdalanǵan jón.
Alaıda ǵalymdar uıaly telefondardyń qaterli isikke ákep soqtyrý múmkindigi máselesinde bir jaqty baılamǵa kele almaı otyr. Brıtanııalyq ǵalymdar 2011 jyly 200-den astam akademııalyq zertteýler telefon men qaterli isiktiń paıda bolýy arasynda baılanys bar ekenin kórsetti dese, danııalyq ǵalymdar 350 myńnan astam adamnyń aýrýlaryn zertteı kele, telefondy únemi paıdalanatyndar men qalǵandarynyń qaterli isikke shaldyǵý múmkindigi birdeı degen qorytyndyǵa kelgen.
