Italııa soty Berlýskonıdi qarttar úıinde jumys isteýge májbúrlemek
ASTANA. QazAqparat - Italııanyń penıtentsıarlyq bıligi Mılan sotyna Sılvıo Berlýskonıǵa qatysty jaza taǵaıyndaýdy suraǵan bolatyn. Olar burynǵy úkimet basshysy jazasyn qarttar úıinde ótesin dep talap etýde.
Osyǵan deıin saıasatkerdi «Mediaset» isi boıynsha tórt jylǵa bas bostandyǵynan aıyrý týraly sheshim qabyldanǵan bolatyn. Ol qarjy jymqyryp, salyq tóleýden bas tartty dep aıyptaldy. Keıin bul merzimdi bir jylǵa deıin qysqartty. Biraq ol merzim odan da azaıýy múmkin. Tártibi jaqsy bolsa, Berlýskonı toǵyz aı ǵana otyryp shyǵady. Qazir ony úı qamaqta ustaý nemese qoǵamdyq oryndardaǵy jumysqa tartý máselesi sheshilip jatyr. Onyń ózinde qarttar úıine aptasyna bir ret baryp tursa bolǵany. Qazirdiń ózinde birneshe qaıyrymdylyq uıymdary Berlýskonıdi óz ortalyqtaryna tartýda. Al naqty jazalaý sharasynyń qaı túri qoldanylatyny erteń belgili bolady.
