Italııa sońǵy 70 jyldaǵy eń aýyr qurǵaqshylyqty bastan keship otyr

NUR-SULTAN. QazAqparat – Italııada aýdany men uzyndyǵy jaǵynan eń úlken Po ózeni tartylyp jatyr, dep habarlaıdy QazAqparat VVS aqparat agenttigine silteme jasap.

Sý tapshylyǵy dıqandardyń eginin qurtýda. Birneshe aı buryn ǵana jasyl jaǵalaýdy boılaı aǵyp jatqan ózen arnalary qazirgi kezde shólge uqsaǵan.

Italııanyń soltústigindegi qurǵaqshylyq sońǵy 70 jyldaǵy eń aýyry dep sanalyp otyr.

Oǵan kóktem men jazda jaýyn-shashynnyń, al qysta qardyń az jaýǵany, jazda aýa temperatýrasynyń joǵarylaýy sebep bolǵan.

Shilde aıynyń basynda qurǵaqshylyqqa baılanysty Italııanyń soltústigindegi bes aımaqta tótenshe jaǵdaı jarııalanǵan. Ondaǵan mýnıtsıpalıtette sýdy normalaý rejımi engizilgen.

Po alqabyndaǵy sharýalar ózenniń keı jerleri tartylyp qalǵanyn, taǵy bir ýchaskelerinde teńizdiń tuzdy sýy aǵynǵa ótip, eginge zııan tıgizip jatqanyn aıtyp otyr.

Po ózeni Italııanyń soltústiginde ońtústik-batys Alpiden Adrıat teńizine deıin 650 shaqyrymǵa sozylǵan.

Eldiń aýyl sharýashylyǵy salasynyń úshten bir bóligi derlik osy ózenmen baılanysty.

Foto: bbc.com