Italııa professory qazaqstandyq hırýgterge kómeı patologııasyna ota jasaýdy úıretýde
«University Medical Center» korporatıvtik qorynyń Ana men bala ulttyq ǵylymı ortalyǵynda 4 jáne 8 qyrkúıek aralyǵynda «Balalardyń 4-dárejeli tyrtyq kómeıiniń tarylýyn hırýrgııalyq jolmen emdeý» taqyrybynda sheberlik sabaǵy ótýde. Qazaqstandyq dárigerlerge ınnovatsııalyq tehnologııalardy engizýdegi ǵylymı-praktıkalyq tájirıbe úıretilýde.
Ana men bala ulttyq ǵylymı ortalyǵynyń dárigerleri Italııa professory Roberto Pýksedýmen birlesip kómeıdiń tarylýyna, sozylmaly sıaloadenıtke, lımfalyq júıeniń týa bitken aqaýyna, lımfangıomaǵa shaldyqqan, shetelde emdelýge muqtaj patsıentterge operatsııa jasaıdy.
Sheberlik sabaǵy barysynda otandyq hırýrgtar Qazaqstanda osy patologııaǵa shaldyqqan balalardy emdeýge múmkindik beretin jańa tehnologııalardy meńgeretin bolady.
Buryn osyndaı dıagnozy bar balalardy shetelge emdelýge jiberetin, onda mundaı operatsııalardyń quny 25 myń eýroǵa deıin jetedi. Qazaqstanda ony tegin jasaıdy.