Italııa Prezıdentiniń laýazymyna negizgi kandıdat - Franko Marını
ASTANA. 18 sáýir. QazAqparat - Italııanyń Demokratııalyq partııasy juma kúni Italııa parlamentiniń jáne
eldiń barlyq oblystarynan delegattardyń qatysýymen ótetin birlesken otyrysta bastalatyn saılaýǵa el prezıdentiniń laýazymyna tanymal saıasatker, 80 jastaǵy Franko Marınıdi usyndy, dep habarlaıdy Rosbalt.
Italııalyq BAQ-tardyń habarlaýynsha, «Bostandyqtyń halqy» partııasynyń kóshbasshysy Sılvıo Berlýskonı onyń jaqtastary bul laýazymǵa Marınıdiń kandıdatýrasyna qoldaý bildiretinin jáne ony «salmaqty jáne baısaldy adam» dep atady.
Eldiń qazirgi basshysy, jetpis jastaǵy Djordjo Napolıtanonyń mandatynyń merzimi 15 mamyrda aıaqtalady. Italııa Konstıtýtsııasynyń 85-babyna sáıkes, bul merzimniń aıaqtalýyna 30 kún qalǵanda depýtattar Palatasynyń tóraǵasy jańa prezıdentti saılaý úshin birlesken otyrysty shaqyrýy tıis.
Aıta keteıik, Italııa Konstıtýtsııasynyń 85-babyna sáıkes prezıdenttiń saılaýy jasyryn daýys berý arqyly júzege asyrylady.
