Italııa prezıdenti premer-mınıstrdiń otstavkaǵa ketýin qabyldamady
RIM. QazAqparat - Italııa prezıdenti Serdjo Mattarella premer-mınıstr Marıo Dragıdiń otstavkasyn qabyldaýdan bas tartty. Mınıstrler kabınetiniń basshysy buǵan deıin basqarýshy koalıtsııadaǵy seriktestermen kelispeýshilikterge baılanysty qyzmetinen ketetinin málimdegen, dep habarlaıdy QazAqparat Euronews-ke silteme jasap.
Beısenbi kúni Dragı úkimeti Senattyń qoldaýyna ıe boldy. Alaıda «Bes juldyz qozǵalysynyń» depýtattary daýys berýge qatysqan joq. Olar zań jobasynyń energetıkalyq daǵdarys pen ınflıatsııadan zardap shekkenderge kómek bólý týraly bir tarmaǵymen kelispeı, basqarýshy koalıtsııadan shyǵamyz dep qorqytty. Dragı mundaı jaǵdaıda otstavkaǵa ketetinin buǵan deıin de málimdegen bolatyn.
Bes juldyz qozǵalysynda buǵan deıin de kelispeýshilik bolyp, Syrtqy ister mınıstri Lýıdjı dı Maıo quramnan shyǵyp ketken. Ol partııa jetekshisi Djýzeppe Konteni Ýkraınaǵa kómektesýge nıet bildirmegeni úshin aıyptaıdy.
Dı Maıonyń jaqtastary qazirgi úkimetti qoldaıdy. Biraq «Bes juldyz» koalıtsııadan shyǵýǵa sheshim qabyldasa, olardyń sońynan korona daǵdarysymen jáne onyń saldarymen kúresý úshin ótken jyly qurylǵan alıanstyń basqa músheleri erýi múmkin.
Foto: Ettore Ferrari / EPA / TASS
