Italııa Prezıdenti otstavkaǵa ketti
ASTANA. QazAqparat - Italııa Prezıdenti Djordjo Napolıtano sársenbi kúni otstavkaǵa ótinish jazdy. Otstavkaǵa ketý týraly hattyń úsh nusqasy mınıstrler keńesi men ulttyq parlamenttiń eki palatasyna jiberildi.
Bul týraly TASS habarlady.
89 jastaǵy memleket basshysy ekinshi 7 jyldyq merzimge 2013 jyldyń sáýirinde saılanǵan. Alaıda bastapqy kezden-aq, merziminen buryn qyzmetti bosatatynyn jasyrmaǵan. Napolıtano qyzmetiniń aıaqtalýyn Eýroodaqtaǵy Italııanyń jarty jyldyq ókildiginiń aıaqtalýymen baılanystyrdy.
Konstıtýtsııaǵa sáıkes, prezıdenttik mindet ýaqytsha ıtalııalyq memlekettegi ekinshi adamǵa - senat tóraǵasy (parlamenttiń joǵarǵy palatasy) Petro Grassoǵa ótedi.
BAQ-ta úmitkerler retinde Rımniń burynǵy meri Valtera Veltronı, Týrın meri, burynǵy ádilet mınıstri Pero Fassıno, Konstıtýtsııalyq sottyń sýdıasy Serdjo Mattarella, Syrtqy ister mınıstri Paolo Djentılonı jáne senator Anna Fınokkıarony atalýda.
