Italııa Premer-mınıstri qoǵamdyq sharaǵa qatysyp, ózine muzdaı sý quıdy
ASTANA. QazAqparat - Italııa Premer-mınıstri Matteo Rentsı amıotrofıkalyq sklerozben aýyratyndardy qoldaý úshin uıymdastyrylǵan Ice Bucket Challenge qaıyrymdylyq maqsatyndaǵy fleshmobyna qatysty, dep habarlady Bı-bı-Sı.
Shilde aıynda bastalǵan fleshmobqa Facebook qurýshysy Mark Tsýkerberg, Microsoft burynǵy basshysy Bıll Geıts, ánshi Djastın Tımberleık qatysty. Qoǵamdyq sharanyń sharty boıynsha, qatysýshy ózine muzdaı sý quıýy kerek. Sosyn sol isti úsh adamǵa silteý qajet. Tańdalǵan adam 24 saǵat ishinde muzdaı sýdy quıynbaıtyn bolsa, dertti jandardy qoldaý úshin qurylǵan qaıyrymdylyq qoryna aqsha aýdarýy qajet. AQSh Prezıdenti sýdan qashyp, qorǵa aqsha aýdarǵan.
