Italııa Premer-Mınıstri: Qazaqstannyń álemdegi beıbitshilik ıdeıalaryna biz de qosylamyz
MILAN. QazAqparat - Qazaqstannyń lańkestikpen kúres, álemdegi beıbitshilik ıdeıalarymen ortaqtasamyz. Búgin Mılanda ótip jatqan Qazaqstan-Italııa bıznes forýmynda Italııa Premer-Mınıstri Matteo Rentsı osyndaı pikir bildirdi.
«Qazaqstanǵa ınvestıtsııa salǵysy keletin ıtalıandyq bıznesmender bizderdiń Qazaqstannyń lańkestikpen kúres, barsha álemdegi beıbitshilik, ózara túsinistik, túrli mádenıetterdiń ózara toǵysýy syndy ıdeıalary qyzyqtyratyndyǵyn bilýleri tıis. Prezıdent Nursultan nazarbaev júzden astam etnıkalyq top tatý tátti tirshilik etken eldiń basshysy. Bul turǵyda barlyq elder eýropalyq ta, azııalyq ta elderdiń lańkestik qaýipine qarsy birlesip yntymaqtasqan barynsha mańyzdy», - dedi ol.
Onyń paıymynsha, geosaıası deńgeıde álemdi, ózara qurmet pen qundylyqtardy qorǵaý úshin kúsh biriktirý qajet.
«Men sizderge osyny aıtqym keledi. Óıtkeni, bulaı bolmaǵan jaǵdaıda biz tek bıznes jaıynda ǵana oılaıtyndaı túsinik qalyptasady. Árıne, bıznes de mańyzdy, ony ulǵaıtý qajet», - dedi M.Rentsı.
