Italııa ortalyǵyndaǵy alapat quıynnan eki adam mert boldy
ASTANA. QazAqparat - Italııanyń ortalyǵynda bolǵan quıynnan eń kemi eki adam mert boldy, dep habarlaıdy Rai News.
Rımniń soltústiginde ornalasqan Ladıspolı qalasynda 47 jastaǵy Úndistan týmasy kóz jumdy. Telearnanyń habarlaýynsha, er adam kúshti jelmen áýege kóterilgen qurylys qaldyqtarynan kóz jumǵan. Taǵy er adam - Chezano qalasynyń turǵynynyń ústine aǵash qulap ketken.
#TORNADO a nord di #Roma, a #Cesano. Le impressionanti immagini. Video di Eric Pirotta https://t.co/9ELKY73zHX pic.twitter.com/Aa4h2QdChB
— meteo.it (@wwwmeteoit) 6 noıabrıa 2016 g.
Tabıǵı apattan onnan astam adam túrli deńgeıdegi jaraqat aldy. Óńirde birneshe turǵyn úı men dúken ǵımarattaryna zaqym keldi. Kóshedegi sham baǵanalary qulap, kólik qozǵalysyna kedergi keldi.
Italııa Azamattyq qorǵaý departamenti dúısenbi kúni de qolaısyz aýa raıy bolatynyn eskertýde.
