Italııa ónertapqyshtary jınalmaly bótelke oılap tapty
ASTANA. 15 maýsym. QazAqparat - Italııada ekologııalyq taza Eco-Water bótelkesi paıda boldy, ony Rımniń mýnıtsıpaldi murajaılaryndaǵy kitap dúkenderi men týrıstik aqparattyq ortalyqtardan satyp alýǵa bolady.
Sheneýnikter bótelkeniń qolaılylyǵy men qoljetimdi baǵasy Eco-Water-diń týrıster arasynda tez tanymaldyǵyn arttyratynyna senimdi.
Euromag.com habarlaǵandaı, bul shólmek jınalmaly bolǵandyqtan, ony bir emes, birneshe ret paıdalanýǵa bolady. Sýdy qalada ornatylǵan sýburqaqtardan toltyryp alýǵa múmkindik bar. Rım aýmaǵynda olardyń sany 2 000-ǵa jýyq, al qala ortalyǵynda - 280. Eco-Water bótelkesine Kolızeıdiń, rımdik akvedýk pen sýburqaqtardyń sýreti salynǵan, sondyqtan jınalmaly shólmek Rımnen ákelingen ǵajap syıkádelerdiń biri bolmaq.
Týrızm jónindegi qalalyq ákimshiliktiń keńesshisi Antonıo Gadzelloneniń sózine qaraǵanda, Máńgilik qalaǵa sapary barysynda týrıst kúnine eki bótelke sý, al ystyq kúnderi- 4-5 bótelke alady. Sondyqtan Eco-Water-di qoldaný qala bıliginiń plastmassa jasap shyǵarýǵa ketetin shyǵyndaryn aıtarlyqtaı qysqartýy múmkin. Budan bólek, bul týrısterdiń ózderine de qolaıly, olar da óz aqshalaryn osylaısha únemdeı alady.
Eýrazııa birinshi arnasy
