Italııa Olımpıadasynda Qazaqstan týyn konkıshiler ustap shyǵatyny ras pa

ASTANA. KAZINFORM — 2026 jyly Italııada ótetin qysqy Olımpıada oıyndarynyń ashylý saltanatynda Qazaqstan quramasynyń týyn konkıshiler ıAna Han men Denıs Nıkısha ustaıdy degen aqparat shyndyqqa janaspaıdy.

Týrızm jáne sport mınıstrliginiń málimetinshe, qazirgi ýaqytta olımpıadalyq lıtsenzııalar úshin irikteý kezeńi jalǵasyp jatyr. Osyǵan baılanysty ulttyq quramanyń naqty quramy men tý ustaýshylardy aldyn ala jarııalaý erte.

— Tolyq ári resmı aqparat QR Týrızm jáne sport mınıstrliginiń resmı resýrstarynda jarııalanatyn bolady. Buqaralyq aqparat quraldarynyń ókilderin tek resmı derekterge súıenýge shaqyramyz, — dedi mınıstrliktiń baspasóz hatshysy Balym Adamıdenova.

Buǵan deıin qysqy Olımpıadaǵa Qazaqstannan neshe sportshy qatysatynyn jazǵanbyz.