Italııa oqýshylarǵa úı tapsyrmasy berilmeıtin oqý júıesin engizedi
ASTANA. QazAqparat - Italııa mektepterinde bilim berýdiń jańa úlgisi synaqtan ótkizilip jatyr, dep jazady Habar 24.
Endi jańa ádis boıynsha oqýshylarǵa úı tapsyrmasy berilmeıdi. Italııanyń bilim mınıstrligi usynǵan bul tájirıbege eldiń 166 mektebi qatysady.
Dese de qazirdiń ózinde myńdaǵan muǵalim men ata-ana jańa jobaǵa qoldaý bildirip otyr. Esimiń kim? - Andrea
- Mektepte úı tapsyrmasy berile me?
- Joq. Bizdiń mektepte berilmeıdi.
- Qazir keshki ýaqytta sabaq oqýdyń ornyna nemen aınalysasyń?
- Bos ýaqytymdy dostarymmen ótkizemin. Ata-anamnyń menshiginde baqshasy, úlken dúken bar. - Dostaryńmen ne isteısińder?
- Dop, jasyrynbaq oınaımyz. Baqsha úlken bolǵandyqtan, ol jer oıynǵa óte qolaıly.
- Jaraısyń!
Jańa jobany qoldap otyrǵan ustazdar men ata-analardyń pikirinshe, úı tapsyrmasy balalardyń alańsyz tynyǵýyna keri áserin tıgizedi.
ıAǵnı, úı tapsyrmasy arqyly oqýshynyń bilimi artpaıdy. Kerisinshe, stress pen kıkiljiń týdyryp, aqyry balanyń kóz jasyna ákelip soǵady. Ata-analar alǵa tartyp otyrǵan negizgi sebepter osy. Danılo Kazertano da oqýdyń eski metodıkasyna qarsy 25 myń ustaz ben ata-ananyń qatarynda.
Aıta keteıik, Italııadaǵy «Teńizdegi mektep» jobasynyń negizin qalaýshy ustaz dáristerin taza aýada ótkizedi.
«Eksperıment sátti shyǵýy múmkin. Sebebi bizdiń elimizde daryndy ustazdar óte kóp. Bul ózgeris tek qana «úı tapsyrmasyna túbegeıli qarsylyqtan» týmaýy tıis. Kerisinshe jaǵdaıda, balalardy, ustazdar men ata-analardy shatastyryp alý qaýpi bar. Ustazdar úı tapsyrmasynsyz bilim bere ala ma? Aldymen osy máseleni baǵamdaý kerek. Senimdi bolǵan kezde ǵana jańa reformany engizýge bolady. Myńdaǵan bastaýysh pen orta synyp oqýshylary jańa oqý jylyn ózgerispen bastaıdy. Endi olar ýaqytynyń basym bóligin synypta ótkizedi. Tańerteń teorııamen, tústen keıin praktıkamen aınalysady. Bul ózgerister oqýshylardyń mektep baǵdarlamasyn qıyndyqsyz meńgerýine keri áserin tıgizbeýi tıis», - deıdi muǵalim Danılo Kazertano.
Italııa qolǵa alǵaly otyrǵan joba burynnan qoldanysta bar. Bul tásil Fınlıandııada bastaý alǵan bolatyn. Qazirgi tańda atalmysh eldiń bilim deńgeıi álem boıynsha birinshi orynda. «Keshkilik oqýlyqtan bas almaı otyrǵannan góri otbasylyq serýendi kóbeıtý kerek», - dep esepteıdi fınlıandııalyq pedagogtar.
