Italııa muraǵatynan alynǵan qypshaqtar sózdiginiń elektrondy nusqasy Qazaqstanǵa jetkizildi

ASTANA. QazAqparat - Qazaqstan Respýblıkasynyń Mədenıet jəne sport mınıstrligi Italııanyń muraǵatynan Deshti Qypshaq kezeńinde jazylǵan «Kodeks kýmanıkýs», ıaǵnı, qypshaq tili sózdiginiń elektrondy nusqasyn elimizge əkeldi. Bul týraly Ortalyq kommýnıkatsııalar qyzmetinde ótken brıfıng barysynda Mádenıet jáne sport mınıstri Arystanbek Muhamedıuly məlim etti.

«Mádenıet jáne sport mınıstrligi men Italııanyń Muraǵat komıteti arasynda tıisti kelisim bar. Osy kelisimniń arqasynda óte jaqsy jumystar atqarylyp jatyr. Mysaly, Italııanyń muraǵatynda Deshti Qypshaq kezeńinde jazylǵan «Kodeks kýmanıkýs» shyǵarmasynyń túpnusqaǵa jaqyn túri saqtalǵan. Osy kelisimniń arqasynda biz osy qujattyń elektrondy nusqasyn Qazaqstanǵa əkeldik», - degen mınıstr bolashaqta tarıhı qujat negizinde kitap shyǵýy múmkin ekenin atap ótti. A.Muhamedıulynyń aıtýynsha, budan ózge, Italııanyń muraǵatynan ultymyzdyń tarıhyna baılanysty basqa da qujattar tabylǵan. «Jalpy, Italııanyń mədenıet jəne týrızm mınıstrligi muraǵattar bas dırektsııasymen aradaǵy qarym-qatynas óz tıimdiligin kórsetip otyr. Osy baılanystyń arqasynda bizdiń tarıhymyzǵa qatysty óte kóne kartany usynǵan Vatıkan jəne Rım muraǵattaryna da alǵys aıtamyz», - dedi A.Muhamedıuly.