Italııa mıgranttardyń birinshi tobyn Albanııadaǵy baspana ortalyqtaryna jiberdi

ASTANA. KAZINFORM – Sársenbi kúni Italııadan Albanııanyń Shentszın portyna 16 adam keledi dep kútilýde, dep habarlaıdy ıtalıandyq BAQ-qa silteme jasap. 

Italııadan bir top mıgrant Albanııadaǵy jańadan qurylǵan baspana ortalyqtaryna kóshirildi, dep habarlady dúısenbi kúni eldiń ishki ister mınıstrligi.

Kóshirý – Italııanyń myńdaǵan baspana izdeýshilermen jumys júrgizý josparynyń bir bóligi. Bul shema el ishinde de, shetelde de synǵa alynǵanyna qaramastan, premer-mınıstr Djordjııa Melonı bul qadamdy «jaqsy úlgi» dep atady.

«Bul jańa, batyl, buryn-sońdy bolmaǵan jol, ol eýropalyq rýhty tamasha kórsetedi», - dedi ol seısenbide.

Kelisimge 2023 jyldyń qarashasynda Dj.Melonı men onyń albanııalyq áriptesi Edı Rama qol qoıdy. Nátıjesinde Dj.Melonıdiń ásire ońshyl úkimeti ótken aptada resmı túrde Albanııada bosqynqyndarǵa arnalǵan eki ortalyǵyn ashty.

Rım Soltústik Afrıka jaǵalaýynan Eýropaǵa ótýge tyrysqan halyqaralyq sýlarda ustalǵan myńdaǵan mıgrant er adamdy elden osylaısha shyǵarýdy josparlap otyr.

16 adamnan turatyn top – Bangladeshten kelgen 10 adam jáne mysyrlyq 6 azamat teńizde qutqarylǵannan keıin Sıtsılııanyń Lampedýza aralynan áskerı kememen jetkizildi.