Italııa Qytaıdan keletin jolaýshylardan qaýiptenip otyr
Eýropalyq BAQ bul másele boıynsha EO-ǵa múshe 27 eldiń densaýlyq saqtaý mınıstrlikteri arasyndaǵy konsýltatsııalar áli naqty nátıje bermegenin jazdy.
Italııa ótken sársenbi kúni Qytaıdan keletin týrıster úshin mindetti COVID-19 synaqtaryn qaıta engizdi jáne bul qadamdy jasaýǵa Eýroodaqtyń barlyq memleketine úndedi. Sebebi osy aptanyń basynda Mılan halyqaralyq áýejaıynda jolaýshylar arasynda júrgizilgen koronavırýsqa qarsy testileý nátıjesinde Qytaıdan kelgen eki reıs jolaýshylarynyń jartysyna jýyǵynan qaýipti vırýs anyqtalǵan.
Keıin Eýropalyq komıssııanyń Densaýlyq saqtaý qaýipsizdigi komıteti (HSC) Qytaıdaǵy koronavırýs jaǵdaıyn talqylaý úshin jıyn ótkizdi.
Buǵan deıin Japonııa osy aptanyń sońynda Qytaıdan keletin azamattar úshin shekaralyq baqylaýdy kúsheıtetinin habarlaǵan bolatynbyz.
Jalpy bul qadamdar Qytaıdyń 8 qańtardan bastap shekaralaryn qaıta ashatynyna jáne vırýstyq ınfektsııalardyń taralýyn boldyrmaý úshin jasalýda.
Qytaı jeltoqsan aıynan bastap vırýspen kúrestiń qatań sharalaryn aıtarlyqtaı jeńildetti.
Sonymen qatar aýyrǵandardyń resmı statıstıkasyn jarııalaýdy toqtatty.
Foto: Pavel Mikheyev / Reuters
