Italııa kýrortyndaǵy aspaly jolda apat bolyp, týrısterdi tikushaqpen evakýatsııalady

ASTANA. KAZINFORM — Italııa Alpilerindegi Monte Moro asýy mańynda ornalasqan taý shańǵysy kýrortynda aspaly jolda apat boldy, dep habarlaıdy Euronews.

Италия курортындағы аспалы жолда апат болып, туристерді тікұшақпен эвакуациялады
Фото: Copyright 2016 The Associated Press. All rights reserved.

Zardap shekkender bar. Bıiktikte turyp qalǵan týrısterdi tikushaqpen evakýatsııalaýǵa týra keldi.

Italııanyń soltústik-batysyndaǵy Makýnıaga aspaly jolynda bolǵan apat saldarynan 2 800 metr bıiktikte shamamen 100 adam turyp qaldy.

Oqıǵa seısenbi kúni Pemont oblysyndaǵy Monte Moro asýy mańyndaǵy taý shańǵysy kýrortynda bolǵan. Aldyn ala málimet boıynsha, keminde tórt adam zardap shekken, olar jeńil jaraqat alǵan.

Bastapqy derekterge sáıkes, saǵat 11:25 shamasynda kabınalardyń biri joǵary kóterilip kele jatyp, qalyptydan jyldamyraq qozǵalǵan. Stantsııaǵa kirer kezde ol der kezinde toqtaı almaı, qorshaýǵa soǵylǵan.

Sol sátte qarsy baǵyttan stantsııaǵa taǵy bir kabına kelgen, onyń ishinde tek júrgizýshi bolǵan. Ol da jeńil jaraqat alǵan.

Bıiktikte 94 týrıst, onyń ishinde balalar, sondaı-aq bes jumysshy qalyp qoıǵan. Oqıǵa ornyna taý-qutqarý qyzmeti, jedel qyzmet ókilderi, karabınerler men órt sóndirýshiler kelip, adamdarǵa kómek kórsetip, evakýatsııalaý jumystaryn júrgizdi. Olardy tikushaq arqyly evakýatsııalaǵan, barlyq adam aman-esen qaýipsiz jerge jetkizildi.

— Qazir biz jaǵdaıdy baǵalap jatyrmyz. Aldyn ala aqparat boıynsha, vagon stantsııaǵa kirer kezde tıisti deńgeıde tejelmeı, stantsııadaǵy tosqaýylǵa soǵylǵan. Eshkim aýyr jaraqat alǵan joq, adamdardyń ómirine qaýip tónip turǵan joq. 59 jastaǵy er adamnyń qoly jaralanǵan. Qalǵandary jeńil-jelpi jaraqat alǵan, — dep túsindirdi aspaly joldy basqaratyn Macugnaga Trasporti e Servizi kompanııasynyń ákimshisi Fılıppo Bezotstsı.

Aıta keteıik, Makýnıaga aspaly joly 1962 jyly salynǵan, al 2023 jyly óńir men mýnıtsıpalıtettiń qoldaýymen eki mıllıon eýroǵa kúrdeli jóndeýden ótip, qozǵaltqyshtary men kabınalary tolyq jańartylǵan.

Eske salsaq Parıjde Eýropadaǵy eń úlken aspaly jol iske qosylǵan edi.

Сейчас читают