Italııa quramasynyń negizgi qaqpashysy jattyǵý kezinde jaraqat aldy
ASTANA. QazAqparat - Italııa quramasynyń negizgi qaqpashysy Djanlýıdjı Býffon jattyǵý kezinde jaraqat aldy. Endi ony Anglııamen ótetin oıynda «Djenoa» qaqpashysy Mattıa Perın aýystyrady, dep habarlaıdy «Qazaqstan» ulttyq arnasy.
Aıta keteıik, jas qaqpashy úshin búgingi kezdesý - Italııa quramasyndaǵy alǵashqy matchy bolmaq. Italııa quramasynyń taǵy bir qaqpashysy Salvatore Sırıgý de oıynǵa tolyq daıyn emes. PSJ klýbynyń negizgi quramdaǵy qaqpashysy jaraqatqa baılanysty birneshe jattyǵýa qatysqan joq. Degenmen, 21 jastaǵy Perın «Skýadra Adzzýra» sapynda bir oıynǵa qatysty. Ol ótken apta brazılııalyq «Flýmınense» klýbymen ótkizgen joldastyq kezdesýde alańǵa shyqty. Anglııa - Italııa matchy búgin túnde Manaýs qalasynda ótedi. Oıyn Astana ýaqytymen 04:00-de bastalady.
