Italııa quramasyn tas-talqan etken Ispanııa taǵy da Eýro-2012 chempıony atandy
ASTANA. 2 shilde. QazAqparat - Búgin fýtbol boıynsha XIV Eýropa chempıonaty aıaqtaldy. Kıevte ótken dúbirli dodanyń aqtyq máresinde Ispanııa men Italııa qurama komandalary kezdesti.
«Olımpııskıı» Ulttyq sporttyq kesheninde ótken oıynda Davıd Sılva óz sheberligin kórsetti. Kezdesýdiń 14-shi mınýtynda Andres Inıesta aıyp dobyn Tseska Fabregasqa baǵyttady, ol óz kezeginde alańnyn ortasyndaǵy Sılvaǵa pas berdi. Ol qatelesken joq. Al oıynnyń 41-shi mınýtynda ıspandyq Havı Ernandes dopty Hordı Albaǵa baǵyttady, qaqpashy Djanlýıdjı Býffonmen jeke qalǵan ol múmkindikti jibermedi.
Al ekinshi taımda ıspandyqtar ózderiniń basym ekendikterin taǵy baıqatty. «Chelsı» komandasynyń oıynshysy Fernando Torres 84-shi mınýtta 3-shi golyn soqty. Jasyndaı jarqyldaǵan Torrestyń «áriptesi» Hýan Mato Fernandonyń baǵyttaǵan dobyn utymdy paıdala otyryp, qarsylastarynyń bos qalǵan qaqpasyna baǵyttady. Esep - 4:0.
Ispanııa tarıhta alǵashqy ret Eýropa chempıondar ataǵyn qorǵaı alǵan birinshi komanda boldy. «Fýrııa roha» komandasy iri fýtbol forýmdarynda qatarynan úsh ret jeńiske jetti.
