Italııa koronavırýs juqtyrǵandar sany boıynsha Qytaı men Ońtústik Koreıadan keıingi úshinshi orynda
Elde Venetsııadaǵy karnaval merekesiniń sońǵy kúnderi toqtatyldy, koronavırýsty juqtyrý jaǵdaılarynyń ósýine baılanysty sángerlerge Mılanǵa sán aptalyǵyna barýǵa shekteý qoıyldy.
COVID19 jańa vırýsynan Italııada alty adam qaıtys boldy. Sońǵysy – Mılan qalasyndaǵy Sakko aýrýhanasynda kóz jumǵan 80 jastaǵy er adam.
Ótken beısenbide ol júrek ustamasynan keıin Lodıdegi aýrýhanaǵa jetkizildi, sol kúni atalǵan jerge 38 jastaǵy er adam, vırýsqa jasalǵan testi oń nátıje bergen ınfektsııa juqtyrǵan alǵashqy patsıent túsken.
80 jastaǵy ıtalııalyq ıntensıvti terapııa bólimshesine jiberilgen jáne COVID19 vırýsyna tapsyrǵan taldamasy oń nátıje bergen. Sodan keıin ony Mılandaǵy Sakko aýrýhanasyna aýystyrǵan.
Sol aralyqta Lombardııanyń aımaqtyq úkimeti koronavırýspen aýyrǵan er adam Tsıvılıdegi Breshıa aýrýhanasynda qaıtys boldy degen aqparatty joqqa shyǵardy. Vırýstan kóz jumǵan jetinshi fakti rastalmaǵan kúıinde qalyp otyr.
Azamattyq qorǵaý departamentiniń basshysy Andjelo Borrellı Italııada vırýs juqtyrǵandar sany 229 adamǵa jetkenin habarlady.
Qazirgi ýaqytta koronavırýs juqtyrǵandar sany boıynsha Italııa Qytaı men Ońtústik Koreıadan keıingi úshinshi orynda tur.