Italııa konstıtýtsııaǵa ózgerister engizý úshin referendým ótkizedi
ASTANA. QazAqparat - 4 jeltoqsan kúni Italııada konstıtýtsııaǵa aýqymdy reforma jasaý boıynsha jalpyǵa ortaq referendým ótedi.
Tıisti sheshim dúısenbi kúni mınıstrler keńesiniń otyrysynda qabyldandy, dep habarlady RaiNews24 telearnasy.
Italııanyń kassatsııalyq soty 8 tamyz kúni mundaı referendýmdy ótkizý týraly talaptardyń zańdylyǵyn quptady. Konstıtýtsııaǵa sáıkes, referendým ýaqyty mınıstrler keńesiniń sheshimi boıynsha Italııa prezıdentiniń dekretimen onyń zańdylyǵyn quptaıtyn sheshim shyqannan keıin 60 kúnniń ishinde taǵaıyndalýy tıis.
Eske salaıyq, 26 qyrkúıek kúni Ázerbaıjanda el konstıtýtsııasyna ózgerister engizý boıynsha referendým ótti. Oǵan saılaýshylardyń 69,7 paıyzy, ıaǵnı 3 671 707 adam (jalpy sany 5 267 111 ) qatysty.
