Italııa KHDR elshisin elden shyǵaryp jibermek
ASTANA. QazAqparat - Italııa Rımdegi KHDR elshisin elden shyǵaryp jibermek. Bul jaıly jeksenbi kúni La Repubblica gazetine suhbat bergen Italııa syrtqy ister mınıstri Andjelıno Alfano málimdedi, dep jazady TASS.
«Biz qıyn sheshim qabyldadyq, ıaǵnı KHDR elshisiniń akkredıtatsııasyn toqtatamyz. Elshi Italııadan shyǵyp ketýi tıis», - dedi mınıstr. Sońǵy aılarda Koreı túbegindegi saıası ahýal, ásirese resmı Phenıan shilde aıynda eki ballıstıkalyq zymyranyn synaqtan ótkizgen soń kúrt ýshyqty. Ol zymyrandardy KHDR da, AQSh ta qurlyqaralyq zymyrandar sanatyna jatqyzady.
Buǵan jaýap retinde BUU Qaýipsizdik keńesi KHDR-ǵa qatysty halyqaralyq sanktsııalardy tipten qatańdatý týraly qarar qabyldady. Budan tys, Phenıan Tynyq muhıtta ıadrolyq synaqtardy ótkizýge daıyn ekenin málimdedi, al AQSh prezıdenti Donald Tramp KHDR-dy jer betinen joıyp jiberemin dep qaharlanǵan bolatyn.
