Italııa Qazaqstan ekonomıkasyna qansha ınvestıtsııa saldy

NUR-SULTAN. QazAqparat - Qazaqstan men Italııa arasyndaǵy saýda-ekonomıkalyq baılanys múmkindigi joǵary. Bul týraly Italııa Syrtqy ister mınıstriniń orynbasary Manlıo Dı Stefano aıtty, dep habarlaıdy QazAqparat tilshisi.

«Eki el arasyndaǵy ekonomıkalyq baılanys nyǵaıyp keledi. Bizde saýda-ekonomıkalyq jáne ınvestıtsııalyq yntymaqtastyqty keńeıtýde zor múmkindikter bar»,- deıdi Manlıo Dı Stefano elordada ótken Qazaqstan-Italııa bıznes-forýmynda.

Onyń aıtýynsha, búginde Italııa Qazaqstan ekonomıkasyna 6,6 mıllıard AQSh dollary kóleminde ınvestıtsııa salǵan.

«Jalpy, Qazaqstanda Italııanyń 270-ge jýyq kompanııasy jumys isteıdi. 13 jeltoqsanda Italııanyń Ortalyq Azııa elderimen yntymaqtastyǵy boıynsha taǵy bir jıyn ótedi», - deıdi ol.

Aıta ketse, atalǵan is-sharaǵa eki eldiń isker toptarynyń, ulttyq kompanııalardyń, memlekettik organdardan 200-den astam ókili qatysty.

Foto: Formiche.net