Italııa qalalarynda týrısterge salynatyn salyq mólsheri artpaq
ASTANA. QazAqparat - Rım jáne Venetsııa qalalarynyń bıligi atalmysh qalalarǵa keletin týrısterden alynatyn salyq mólsherin arttyratyndaryn málim etti.
Atap aıtqanda, Venetsııa qalasyna baratyn týrısterden alynatyn salyq mólsheri 2014 jyldyń qyrkúıek aıynan bastap 50 eýrotsentke artsa (úsh juldyzdy qonaqúı úshin 3 eýrodan 3,5 eýroǵa deıin, al tórt juldyzdy qonaqúı úshin 4 eýrodan 4,5 eýroǵa deıin), al Rım qalasynyń kórkin tamashalaýǵa kelgender burynǵydan eki ese kóbirek shyǵyndalmaq. ıAǵnı, Rımdegi bes juldyzdy qonaqúıde bir kún turý úshin onyń baǵasynyń ústinen taǵy 7 evro tóleýge týra keledi. Tórt juldyzdy otelder 6 eýrodan alsa, úsh juldyzdy qonaqúıler 4 eýroǵa qymbattamaq. Aıta keteıik, buryn salyq mólsheri qonaqúılerdiń juldyzdaryna baılanysty alynatyn: 5 juldyzdy qonaqúı úshin - 5 eýro, 4 juldyzdyǵa - 4 eýro, 3,2,1 juldyzdy qonaúıler úshin - sáıkesinshe 3,2 jáne 1 eýro salyq alynatyn. Alaıda Rımdegi qonaqúı bıznesiniń ókilderi týrısterge salynatyn salyqtyń kóbeıýine qarsy naýqan uıymdastyrýǵa nıetti ekendikterin jetkizip otyr, dep jazady ITAR-TASS.
