Italııa ǵalymdary qostanaılyq agrarıılerge tsıfrlandyrýdaǵy tájirıbelerin tanystyrdy
Qostanaı oblysy ákimdiginde ótken jıynǵa Azııa damý bankiniń Qazaqstandaǵy ókildiginiń dırektory Djovannı Kapannelı bastaǵan bir top delegat qatysty. Olardyń arasynda aýyl sharýashylyǵy salasynda zertteý jumystaryn júrgizip júrgen Mıchıgan memlekettik ýnıversıtetiniń (AQSh) professory Chen Djıkýan, ІNE ınstıtýtynyń (Nıderlandy) professory Vım Bastıaanssen sııaqty ǵalymdar bar.
Jıyn barysynda ıtalııandyq ǵalymdar Qazaqstan naryǵy iskerlik yntymaqtastyqty damytý jaǵynan óte áleýetti ekenin aıtty. Sondaı-aq, olar tsıfrlandyrý júıesiniń mańyzdylyǵyna toqtaldy.
«Kóp elderde aýyl sharýashylyǵy ekonomıkanyń aınymas bóligi sanalady. Italııada shaǵyn jáne orta deńgeıli fermalar kóp. Olardyń 7-8 myń gektar alqapta ǵana ónim alady. Biz aýyl sharýashylyǵyn tsıfrlandyrý arqyly ónimdilikti arttyrýǵa jaǵdaı jasap otyrmyz. Osylaısha, biz fermerlerdiń halyqaralyq standarttarǵa qol jetkizýine múmkindik beremiz. Nátıjesinde, jańa tehnologııalardy engizý eksportqa jol ashyp beredi. Olar kóp jaǵdaıda ýnıversıtettermen baılanys júrgizedi. Mine, biz qostanaılyq áriptesterge ózimizde qoldanatyn tehnologııalardy kórsetkimiz keledi. Biz shaǵyn ǵana jerdi ıgerip, ındýstrııalandyrýǵa qol jetkizgen elmiz. Sondyqtan ózimizdiń tehnologııamyzdy agromehanıkaǵa, taýardy óńdeý jáne qaptaý salalaryna usyna alamyz», - dedi shet elderdegi Italııa kásiporyndary agenttiginiń ókili Salvatore Parano.
Paranonyń sózinshe, Italııada tsıfrlandyrý júıesi engizilgen shaǵyn sharýashylyqtardyń ekonomıkalyq jaǵynan ósimi joǵary.
«Tsıfrlandyrý júıesi jaǵynan Qazaqstan men Italııa birin biri tolyqtyra alady. Mysaly, Italııa shaǵyn fermalar arqyly almany eksportqa shyǵarady. Olarda qoldanylatyn qurylǵylardyń bári avtomattandyrylǵan. Qazir mundaı fermalar sany 2 000-ǵa deıin jetti. Shaǵyn sharýashylyqtar neǵurlym kóbeıgen saıyn kiris kólemi de artady. Bir jyldyń ishinde Italııadaǵy shaǵyn jáne orta bıznes ókilderi eksport arqyly 172 mlrd eýro paıda keltirgen», - deıdi S.Parano.
Sondaı-aq, Salvatore Parano eki eldiń kásipkerleri arasyndaǵy iskerlik baılanystyń nyǵaıatyndyǵyna senim bildirdi.