Italııa ǵalymdary koronavırýs aǵyny báseńdegenin aıtty
Bul kúzde pandemııanyń kelesi tolqyny bolmaıtynyna senýge múmkindik beredi.
Mılan ýnıversıtetiniń vırýsology men prorektory Massımo Klementı mamyr aıynda ıtalııalyq medıkter bastaǵan naýqastarǵa júrgizilgen monıtorıng COVID-19 bar patsıentterdiń aýrý dárejesi tómendegenin kórsetetinin aıtty.
«Qarqyndy terapııa talap etiletin naýqastardyń paıyzy azaıyp keledi. Osyǵan oraı, úı karantıninde óz betinshe emdele alatyn vırýsty juqtyrǵandardyń sany ósýde. Massımo Klementı indettiń bastapqy kezeńinde mamyr aıynyń sońyna qaraǵanda on ese joǵary bolǵanyn atap ótti. Bul vırýstyń adam aǵzasyna beıimdelip, álsireı túsetinin bildirýi múmkin» delingen habarlamada.
Ǵalymnyń aıtýynsha, birqatar elderden kelip túsken derekter osy gıpotezany rastaıdy. Mundaı kórsetkishter kezinde kúzde DDSU boljap otyrǵan pandemııanyń ekinshi tolqyny bolmaýy múmkin.
Foto: © AP Photo/Kirsty Wigglesworth
