Italııa ǵalymdary bakterııadan qozǵaltqysh jasap shyǵardy
ASTANA. QazAqparat - Italııalyq ǵalymdar oılap tapqan jańa qurylǵynyń mólsheri nebary 50-aq mıkronǵa teń. Nanotehnologııalar ınstıtýtynyń mamandary bakterııanyń sýda júzý múmkindigin paıdanala otyryp, ony gendik modıfıkatsııadan ótkizdi, dep habarlaıdy Habar 24 telearnasy.
1 jasýshaly aǵzalar sheńberdi mınýtyna 2 ret aınala alady. Ǵalymdar bul protsesti jaryq arqyly baqylaýdy úırengen. Kishigirim qozǵaltqysh jaryq sáýlesi túskende jyljıdy, al túnde toqtaıdy.
Joba jetekshisi fızık Roberto Dı Leonardonyń pikirinshe, keleshekte bakterııalyq qozǵaltqyshtyń jumysyn kompıýterge baǵyndyryp, avtomattandyrýǵa bolady.
«Biz bakterııalyq qozǵaltqyshtyń eń joǵary jyldamdyǵyna qol jetkizdik. 1 jasýshaly aǵzalar dóńgelekti odan asqan jyldamdyqpen ıtere almaıdy. Olardyń áreketterin qadaǵalap otyramyz. Sondyqtan biz oılap tapqan tehnologııa qoldanysqa óte tıimdi. Meniń oıymsha, biz mıkrorobottar salasyn damytýda úlken qadam jasadyq», - deıdi Italııanyń Ulttyq zertteý keńesi nanotehnologııalar ınstıtýtynyń fızıgi Roberto Dı Leonardo.
