Italııa fermeriniń ókpesine sańyraýqulaq ósip shyqqan
ASTANA. 9 qarasha. QazAqparat - Italııa fermeri qatty aýyryp qalǵan: uzaq ýaqyt boıy ol qan qusyp jótelgen, bir jylda 35 kelige deıin salmaq tastaǵan.
Aty atalmaǵan er adam uzaq jyldar boıy nıkotınge qumarlyǵynyń saldarynan ımmýnıtetim nasharlaǵan dep shamalaǵan. Naýqastyń ókpesi shyn máninde saý emestigi anyqtaldy. Al oǵan kináli sańyraýqulaq bolyp shyqty, dep habarlaıdy Life Science.
Dárigerler uzaq ýaqyt boıy 42 jastaǵy fermerge ne bolǵanyn túsine almaǵan, oǵan antıbıotıkter jazyp bergen. Er adamǵa bul kómektespegen, tipti onyń hal-jaǵdaıyn kerisinshe nasharlatyp jibergen. Kezekti muqııat tekserýden keıin medıtsına qyzmetkerleri syrqattyń ókpesinen sańyraýqulaqtyń óskinderin taýyp alǵan. Onyń keıbiriniń uzyndyǵy 8 santımetrge jetken kórinedi.
