Italııa Eýroodaqty birtutas qarýly kúshter qurýǵa shaqyrdy
ASTANA. Qarashanyń 18-i. QazAqparat - Italııa birtutas eýropalyq qarýly kúshter qurýdy usynýda. Qarashanyń 19-da Brıýsselde ashylatyn Eýroodaq sammıtinde Italııa ókilderi osy másele boıynsha málimdeme jasamaq,
dep habarlaıdy RSN agenttigi.
«Eger bizde eýropalyq armııa bolsa, Italııa oǵan ushaqtar, Frantsııa - tankter, Ulybrıtanııa saýytty tehnıkalar jónelte alady, sóıtip biz óz resýrstarymyzdy ońtaılandyra alamyz», dep málim etti Italııanyń Syrtqy ister mınıstri Franko Frattını.
Italııa dıplomatııasynyń basshysy eýropalyq memleketterdiń bólimsheleri birlesip áreket etip otyrǵan Aýǵanstandy mysalǵa keltirdi, sondaı-aq Eýropanyń negizgi aýdandarynyń, onyń ishinde Jerorta teńizi aýdanynyń qaýipsizdigin baqylaý úshin úılestirilip otyrǵan áskerı-teńiz kúshteri men áskerı-áýe kúshteriniń aktsııalaryn atap kórsetti.
Mınıstrdiń pikirinshe, birtutas qarýly kúshter Eýroodaq elderine áskerı shyǵystaryn edáýir únemdeýge múmkindik berer edi.
