Italııa Eýroodaqtan shyǵýy múmkin
ASTANA. QazAqparat- Italııa Eýroodaqtan shyǵýǵa bir taban jaqyndady. Eger 4 jeltoqsanda ótetin saılaýda halyq úkimetti jaqtamasa, sarapshylardyń boljamy oryndaldy degen sóz. Biraq premer-mınıstr olaı bolmaıtynyna senimdi. Tipti, jurt úkimetti qoldamaǵan jaǵdaıda jumystan ketýge de daıynmyn dep málimdedi.
Referendýmǵa bar-joǵy 2 apta qaldy. Ázirge onyń qorytyndysyna qatysty naqty boljam joq. Alaıda sarapshylar referendým Ulybrıtanııadaǵy saılaýdan kem bolmaıtynyn aıtty. Sondyqtan 4 jeltoqsannan keıin úkimette aıtarlyqtaı ózgeris bolýy múmkin. Referendým Italııanyń Eýroodaqtan shyǵýyna yqpal etýi múmkin.
Matteo Rentsı jeńilse, otstavkaǵa ketpek. Sonyń saldarynan elde saıası turaqsyzdyq ornaıdy. Investorlar da Italııaǵa qarajat quıýdan bas tartýy múmkin. Sonda 5 jeltoqsan kúni halyq Eýropanyń quldyraýǵa jaqyn ekendigin túsinedi. Italııanyń saıası oppozıtsııasy eýroaımaqtan shyǵýǵa nıetti. Árıne, daýys berý nátıjeleri týraly aıtý áli erte. Sońǵy saýalnamaǵa sáıkes reformany qoldaıtyndar men olardyń qarsylastary arasynda daýys tepe-teń, dep habarlady 24.kz.
