Italııa bir táýlikte koronavırýstan kóz jumǵandar sany boıynsha birinshi orynda tur
RIM. QazAqparat – Italııa bir táýlikte koronavırýstan qaıtys bolǵandar sany boıynsha elder tiziminde kósh bastap otyr – 368 adam. Azamattyq qorǵanys málimetinshe, epıdemııa bastalǵan ýaqyttan beri 1809 adam Covid-19 qurbany bolǵan. Aýrý juqtyrǵandar sany 24740 adamǵa jetti, dep habarlaıdy QazAqparat Euronews agenttigine silteme jasap.
Eń qatty zardap shekken óńirler – Lombardııa men onyń astanasy Mılan. Jergilikti densaýlyq saqtaý salasyndaǵy jaǵdaı Italııa bıligin ǵana emes, bukil Eýropany alańdatyp otyr.
Lombardııadaǵy ıntensıvti terapııa bóliminde 800 adam jatyr, jatyn oryn múldem jetispeıdi. Mılan jármeńkesindegi eki pavılon aýmaǵynan 500 oryndyq ýaqytsha aýrýhana salý jobada bar.
Basqa qalalarda, sonyń ishinde Rımde tótenshe jaǵdaıdy retke keltirý úshin jansaqtaý jáne ıntensıvti terapııa bólimderi shuǵyl qurylyp jatyr.
