Italııa bıligi halyq qaharmany Djýzeppe Garıbaldıdiń súıegin eksgýmatsııalamaq
ASTANA. 29 shilde. QazAqparat - Italııanyń birigýinde mańyzdy ról atqarǵan halyq qaharmany Djýzeppe Garıbaldıdiń súıegin qaıta qazyp, ǵalymdar onyń rasymen de Italııada jerlengenine kóz jetkizbek.
«Interfaks-Kazahstan » habarlaýynsha, Italııa bıligi súıekti qaıta qazýǵa ruqsat bergen. Oǵan Italııa Mádenıet mınıstri Lorentso Ornagıdiń batyrdyń otbasynyń ótinishin qoldaýy sebep boldy. Garıbaldı Sardınııanyń jaǵasyndaǵy Kaprer aralyna jerlengen bolatyn.
Onyń urpaqtary atalarynyń súıegi sol beıitte jatyr degenge kúmándi. Olardyń Kaprerdegi mazar jasandy bolýy múmkin dep oılaıdy. Eksgýmatsııa qyrkúıek aıynyń sońynda bolady degen sheshim qabyldandy.
Aıta keteıik, Djýzeppe Garıbaldı 1807 jyly týǵan. Ol 19-shy ǵasyrdyń ortasynda Italııany biriktirý úshin kúresip, eldiń birneshe áskerı joryǵyn basqarǵan.
1tv.kz
