Italııa bıligi 1955 jyly salynǵan kópirdi jaýyp tastady
ASTANA. QazAqparat - Italııalyq Benevento qalasynyń meri 1955 jyly Rıkkardo Morandıdiń jobasymen salynǵan Uly Nıkolaı kópirimen júrý qozǵalysyn toqtatýǵa sheshim shyǵardy, dep habarlaıdy Belta agenttigi La Stampa gazetine silteme jasap.
Eske salaıyq, Italııanyń Genýıa qalasynda kópirdiń qulaýyna baılanysty tótenshe jaǵdaı jarııalanǵan edi.
Qala basshysy habarlaǵandaı, ol bul jaǵdaı turǵyndarǵa qıyndyq týdyrýy múmkin, alaıda Genýıadaǵy Morandı salǵan taǵy bir kópirdiń qulaýy sııaqty oqıǵalardyń qaıtalanǵanynan góri osyndaı yńǵaısyzdyq týdyrǵan áldeqaıda jaqsy ekenin aıtty. Tehnıkalyq komıssııa kópirdiń qaýipsiz ekenin rastamaǵanǵa deıin merdiń buıryǵy kúshin joǵaltpaıdy.
Italııalyq qutqarýshylar tórt kúnnen beri Genýıa mańyndaǵy Morandı kópiriniń qulaýy saldarynan iz-tússiz joǵalyp ketken adamdardy tabý úshin býldozerler men shoıbalǵanyń kómegimen úıindilerdi qoparyp, turǵyndardy izdestirý sharalaryn júrgizip jatyr.
