Italııa azamaty 9 shaqyrym bıiktikte ushaqtan sekirmekke árekettendi
NUR-SULTAN. QazAqparat - EasyJet áýe kompanııasynyń Londonnan Pızaǵa ushqan reısinde ıtalııalyq jolaýshy shý shyǵardy, dep dep habarlaıdy QazAqparat The Sun basylymyna silteme jasap.
Ol qalyń kıinip alyp, toǵyz shaqyrym bıiktikte ushyp bara jatqan ushaqtyń apattyq shyǵý esiginen sekirmekke árekettendi.
«Ol abyrjýly kórindi, ózi qalyń palto kıgen. Dárethanada bir mınýttaı boldy», - dep sıpattaıdy ony basqa jolaýshylar.
Álgi jigit dárethanadan shyǵa salyp, apattyq shyǵý esigine barǵan da ony ashpaq bolǵan. Ekıpaj músheleriniń biri oǵan aıǵaılap, basqalary qorqynyshtan jylap-syqtaı bastaǵan.
Birneshe er adam álgige jabylyp, Pızaǵa qonǵansha jibermeı otyrdy. Sóıtip áýejaıda polıtsııaǵa tapsyrdy. Basylymnyń habaryna qaraǵanda, ushaqta shý shyǵarǵan otyzdar shamasyndaǵy Italııa azamaty bolyp shyqqan.
