Italııa astanasynda alǵash ret qyzǵaldaqtar saıabaǵy ashyldy
ASTANA. QazAqparat - Kóktem kelgeli Rım irgesinde gúldegen osy ásem ósimdiktiń sany 300 myńǵa jýyqtaıdy. Onyń ishinde alqyzyl, sary, kúlgin tústi 75 suryby bar. Saıabaq Gollandııa úlgisimen jobalanǵan, dep habarlaıdy Habar 24 telearnasy.
Al jel dıirmeni qyzǵaldaqtar alańyna erekshe sán berip tur. Jalpy gúl otyrǵyzý ıdeıasy gollandııalyq peızajǵa ǵashyq bolǵan belgili kásipkerler januıasyna tıesili. Osylaısha otbasylyq juptyń jumys nátıjesin endi rımdikter de qyzǵaldaqtar eline barmaı-aq tamashalaýǵa múmkindik aldy. Gúlden quralǵan túrli-tústi kilem 15 myń sharshy metrge jaıylǵan.
Tipti «Tıýlıp-parkte» óz dastarhanymen kelip pıknık uıymdastyrýǵa bolady. Óıtkeni bul kórkem kórinistiń ǵumyry qysqa bolǵandyqtan, saıabaq tek kelesi kóktemde qaıta ashylady.
«Baqqa kelgen ár adam ózine unaǵan gúlderden jeke gúlshoǵyn jınaı alady. Búginde biz saıabaq aýmaǵyna 300 myńnan astam qyzǵaldaq otyrǵyzdyq. Olardyń túrleri men tústeri de san alýan. Sondyqtan kelýshilerge úlken tańdaý usynylyp otyr», - saıabaq kýratory Davıde Votadoro.
