Italıandyqtar alapat tornadony vıdeoǵa túsirip aldy
ASTANA. QazAqparat - Jelide taıaýda Italııada bolǵan alapat quıyn jaıly áýesqoı túsirgen vıdeo paıda boldy.
Kadrlardan qalany basqan tornadonyń orasan kúshin kórýge bolady.
Buryn habarlanǵandaı, tabıǵı apattan eki adam zardap shekti. Ladıspolı qalasynda quıynnyń kúshimen aspanǵa kóterilgen qoqys jáshiginiń soqqysynan Úndistan azamaty qaza tapqan. Budan basqa, Rımnen 30 shaqyrymdaǵy Chezano qalasynda Italııa turǵyny aǵashtyń qulaýynan ajal qushty. Budan basqa taǵy onnan astam adam jaraqattandy.
Dúleı daýyl, adam shyǵynynan bólek qalalarda kóptegen nysandardyń qıraýyna soqtyrdy.
