Italıandyq jazýshy Ýmberto Eko dúnıeden ótti
ASTANA. QazAqparat - Italıandyq tarıhshy, fılosof jáne jazýshy Ýmberto Eko 84 jasynda dúnıeden ótti, dep habarlady Bı-bı-sı.
Ol «Raýshanniń esimi» atty romanymen keńinen tanymal. Onyń otbasy ókilderiniń aıtýynsha, jazýshy juma kúni keshte óz úıinde kóz jumǵan. Oqıǵanyń basqa mán-jaıy habarlanǵan joq.
Ýmberto Eko 1932 jyly Týrın mańyndaǵy Alessandrııa shaǵyn qalasynda dúnıege kelgen. 1954 jyly ol Týrın ýnıversıtetin bitirdi, onda ortaǵasyrlyq fılosofııa men ádebıetti oqyp-úırendi.
Onyń alǵashqy romany - «Raýshannyń esimi» 1980 jyly jaryq kórdi. Bul kitap keıinnen eń tanymal ádebı eńbek boldy jáne 1986 jyly ekranǵa shyǵaryldy. Fılmdegi basty róldi Shon Konnerı somdady.
Ýmberto Ekonyń jetinshi sońǵy romany «Nóldik nómir» 2015 jylǵy qańtarda jarııaandy.
Ekonyń ózi jazýshylyq onyń basty qyzmeti emes dep sanady. «Men fılosofpyn. Men romandardy demalys kúnderi ǵana jazamyn», - dedi ol. Eko 1988 jyly San-Marıno ýnıversıtetinde kommýnıkatsııa departamentiniń negizin qalady. Ol Mılan, Týrın jáne Florentsııa ýnıversıtetterinde mádenıet pen estetıka teorııasynan sabaq berdi.
Ýmberto Eko kóptegen ýnıversıtetterdiń qurmetti doktory. Ol fılosofııa, til bilimi, semıoteka, ortaǵasyrlyq estetıka boıynsha kóptegen esse jazdy.
