Italıandyq mafııanyń serkesi tutqyndaldy
ASTANA. 8 shilde. QazAqparat - Eýropadaǵy eń qaýipti jáne eń iri esirtki satýshylardyń biri, Italııa mafııasynyń serkesi - Roberto Pannýntsı quryqtaldy.
Ony AQSh pen Kolýmbııa polıtsııasy birlesip, Kolýmbııa astanasynda qolǵa túsirdi, dep habarlaıdy 24.kz .
Pannýntsı 2010 jyldan beri izdeýde júrgen. Buǵan deıin eki ret sottalyp, biraq eki joly da jazasyn tolyq ótemeı, amalyn taýyp qapastan sytylyp shyqqan oǵan osy joly «Kolýmbııa men Italııa arasynda esirtki tasymaldady» degen aıyp taǵylyp otyr. Eýropadaǵy eń qaýipti qylmystyq toptardyń serkesi kári qurlyqqa aı saıyn 2 tonnaǵa jýyq kokaın jetkizedi degen aqpar da bar. Shetelde jalǵan qujatpen jasyrynyp júrgen ol otany Italııaǵa ekstradıtsııalandy.
