Italıandyq fýtbolshy Morozınıdiń oıyn kezinde júregi toqtap qaldy
ASTANA. 15 sáýir. QazAqparat - Italıandyq jartylaı qorǵaýshy Permarıo Morozını eldiń ekinshi fýtbol dıvızıonynyń matchy kezinde qaıtys boldy.
25 jastaǵy Morozını Peskara qalasynda "Lıvorno" klýby atynan shyǵyp, «B Serııasy» matchynyń 31-shi mınýtynda esinen tanyp qaldy, dep habarlaıdy Bı-Bı-Sı.
Fýtbolshynyń kenetten qulaǵanyn baıqaǵan sýdıa oıyndy toqtatady. Dárigerler defıbrıllıator arqyly Morozınıdi ómirge qaıtarýǵa tyrysady. Keıinnen fýtbolshyny aýrýhanaǵa jetkizgenmen, ony qutqarýǵa múmkin bolmady. Onyń ólimine júrektiń toqtap qalýy sebep boldy.
